qalb ka ehtijaj hota hai

qalb kā ehtijāj hotā hai

aur kyā iḳhtilāj hotā hai

sab natīja hai apnī karnī kā

ye jo duniyā meñ aaj hotā hai

ye bhī rañgat badaltī hai apnī

laash kā bhī mizāj hotā hai

mahv hote haiñ ishq meñ jo log

un se kab kām-kāj hotā hai

bach ke chaltā hai har koī us se

shaḳhs jo bad-mizāj hotā hai

maslak-e-ishq meñ to kasrat se

zulm sahnā rivāj hotā hai

ishq kyā hai tumheñ ye batlā duuñ

rog ye lā-ilāj hotā hai

mere mahbūb pairahan meñ tire

rañgoñ kā imtizāj hotā hai

koī sho.aba ho āj-kal to 'shād'

nazr-o-rishvat kā raaj hotā hai

qalb ka ehtijaj hota hai

aur kya iKHtilaj hota hai

sab natija hai apni karni ka

ye jo duniya mein aaj hota hai

ye bhi rangat badalti hai apni

lash ka bhi mizaj hota hai

mahw hote hain ishq mein jo log

un se kab kaam-kaj hota hai

bach ke chalta hai har koi us se

shaKHs jo bad-mizaj hota hai

maslak-e-ishq mein to kasrat se

zulm sahna riwaj hota hai

ishq kya hai tumhein ye batla dun

rog ye la-ilaj hota hai

mere mahbub pairahan mein tere

rangon ka imtizaj hota hai

koi shoaba ho aaj-kal to 'shad'

nazr-o-rishwat ka raj hota hai