qalb ko barf-ashna na karo
qalb ko barf-āshnā na karo
gul kisī taur ye diyā na karo
zindagī bhī hai ek marg-e-davām
tum jo jiine kā haq adā na karo
jis meñ phūloñ pe paañv dharnā paḌe
iḳhtiyār aisā rāsta na karo
zahr pī jaao bāñkpan ke saath
zahr chakhne kā tajraba na karo
gur sikhā.e jo jang-bāzī ke
aisī dānish ko rahnumā na karo
zulm to zālimoñ kā sheva hai
qahr hai tum jo tajziya na karo
sab ḳhizāñ zaade kah rahe haiñ 'hazīñ'
yaañ pe zikr-e-gul-o-sabā na karo
qalb ko barf-ashna na karo
gul kisi taur ye diya na karo
zindagi bhi hai ek marg-e-dawam
tum jo jine ka haq ada na karo
jis mein phulon pe panw dharna paDe
iKHtiyar aisa rasta na karo
zahr pi jao bankpan ke sath
zahr chakhne ka tajraba na karo
gur sikhae jo jang-bazi ke
aisi danish ko rahnuma na karo
zulm to zalimon ka shewa hai
qahr hai tum jo tajziya na karo
sab KHizan zade kah rahe hain 'hazin'
yan pe zikr-e-gul-o-saba na karo
Source:
Rooh-e-Ghazal,Pachas Sala Intekhab (Pg. 377)
-
- Edition: 1993
- Publisher: Anjuman-e-Rooh-e-Adab, Allahabad
- Year of Publication: 1993
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
