qarz-e-nigah-e-yar ada kar chuke hain hum

Faiz Ahmad Faiz

qarz-e-nigah-e-yar ada kar chuke hain hum

Faiz Ahmad Faiz

MORE BYFaiz Ahmad Faiz

    qarz-e-nigāh-e-yār adā kar chuke haiñ ham

    sab kuchh nisār-e-rāh-e-vafā kar chuke haiñ ham

    kuchh imtihān-e-dast-e-jafā kar chuke haiñ ham

    kuchh un dastaras patā kar chuke haiñ ham

    ab ehtiyāt koī sūrat nahīñ rahī

    qātil se rasm-o-rāh sivā kar chuke haiñ ham

    dekheñ hai kaun kaun zarūrat nahīñ rahī

    kū-e-sitam meñ sab ko ḳhafā kar chuke haiñ ham

    ab apnā iḳhtiyār hai chāhe jahāñ chaleñ

    rahbar se apnī raah judā kar chuke haiñ ham

    un nazar meñ kyā kareñ phīkā hai ab bhī rañg

    jitnā lahū thā sarf-e-qabā kar chuke haiñ ham

    kuchh apne dil ḳhū bhī shukrāna chāhiye

    sau baar un ḳhū gilā kar chuke haiñ ham

    qarz-e-nigah-e-yar ada kar chuke hain hum

    sab kuchh nisar-e-rah-e-wafa kar chuke hain hum

    kuchh imtihan-e-dast-e-jafa kar chuke hain hum

    kuchh un ki dastaras ka pata kar chuke hain hum

    ab ehtiyat ki koi surat nahin rahi

    qatil se rasm-o-rah siwa kar chuke hain hum

    dekhen hai kaun kaun zarurat nahin rahi

    ku-e-sitam mein sab ko KHafa kar chuke hain hum

    ab apna iKHtiyar hai chahe jahan chalen

    rahbar se apni rah juda kar chuke hain hum

    un ki nazar mein kya karen phika hai ab bhi rang

    jitna lahu tha sarf-e-qaba kar chuke hain hum

    kuchh apne dil ki KHu ka bhi shukrana chahiye

    sau bar un ki KHu ka gila kar chuke hain hum

    Videos
    This video is playing from YouTube

    Videos
    This video is playing from YouTube

    Begum Akhtar

    Begum Akhtar

    Source :
    • Book : Nuskha Hai Wafa (Pg. 188)
    • Author : faizahmad faiz
    • Publication : educational publishing house (2009)
    • Edition : 2009
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY