qatl pe tere mujhe kad chahiye

qatl pe tere mujhe kad chāhiye

ḳhuub hai ye apne kā bad chāhiye

zulf ke kūchoñ kī darāzī na pūchh

chalne ko vaañ umr-e-abad chāhiye

dil kī maiñ kartā nahīñ jhūTī salāh

maal hai sarkār kā jad chāhiye

fauj kī hai ashk kī hālat tabāh

aah se is vaqt madad chāhiye

shaiḳh kī izzat hai min-al-vāhiyāt

kafash na hove to lakad chāhiye

pashm hai yaañ masnad-e-qāqum kā farsh

ghar meñ faqīroñ ke namad chāhiye

pasrav-e-ahmad ho ki marnā hai kal

raah na diida ko balad chāhiye

ham se ye kyā nā-ḳhush o 'qā.em' se ḳhush

jo ho miyāñ hissa rasad chāhiye

qatl pe tere mujhe kad chahiye

KHub hai ye apne ka bad chahiye

zulf ke kuchon ki daraazi na puchh

chalne ko wan umr-e-abad chahiye

dil ki main karta nahin jhuTi salah

mal hai sarkar ka jad chahiye

fauj ki hai ashk ki haalat tabah

aah se is waqt madad chahiye

shaiKH ki izzat hai min-al-wahiyat

kafash na howe to lakad chahiye

pashm hai yan masnad-e-qaqum ka farsh

ghar mein faqiron ke namad chahiye

pasraw-e-ahmad ho ki marna hai kal

rah na dida ko balad chahiye

hum se ye kya na-KHush o 'qaem' se KHush

jo ho miyan hissa rasad chahiye