qatra-e-ashk ka mizhgan pe mere ye aalam

qatra-e-ashk kā mizhgāñ pe mire ye aalam

sub.h-dam ghaas kī pattī pe ho jaise shabnam

hasrateñ dil kī nikal jātīñ zarā to ai kaash

ek hī raat ko mil baiThte ham tum bāham

sar meñ insān kī mansūbe bhare the kyā kyā

haa.e par maut ne sab kar diye darham-barham

be-niyāzī ne kiyā ḳhuun tamannā kā mirī

siina meñ dil ke taḌapne se hai barpā mātam

sar se jaate rahe ik umr ke shikve 'hasrat'

mil ke jab baiTh ga.e do ghaḌī ham vo bāham

qatra-e-ashk ka mizhgan pe mere ye aalam

subh-dam ghas ki patti pe ho jaise shabnam

hasraten dil ki nikal jatin zara to ai kash

ek hi raat ko mil baiThte hum tum baham

sar mein insan ki mansube bhare the kya kya

hae par maut ne sab kar diye darham-barham

be-niyazi ne kiya KHun tamanna ka meri

sina mein dil ke taDapne se hai barpa matam

sar se jate rahe ek umr ke shikwe 'hasrat'

mil ke jab baiTh gae do ghaDi hum wo baham