qawi dil shadman dil parsa dil

qavī dil shādmāñ dil pārsā dil

tire āshiq ne bhī paayā hai kyā dil

lagā do aag uzr-e-maslahat ko

ki hai be-zār is shai se mirā dil

jafākārī hai taslīm-e-sitam bhī

na hogā tāba-e-jaur-o-jafā dil

lagā kar aañkh is jān-e-jahāñ se

na hogā ab kisī se āshnā dil

miTe afkār-e-gonā-goñ ke jhagḌe

tire ġham ko na de kyūñkar duā dil

na pahuñchegī kabhī kyā gosh-e-gul tak

qafas se uḌ ke fariyād-e-anā dil

tū anā-e-sadāqat hai to hargiz

na hogā pairav-e-bātil mirā dil

baḌī dargāh kā saa.il huuñ 'hasrat'

baḌī ummīd hai merī baḌā dil

qawi dil shadman dil parsa dil

tere aashiq ne bhi paya hai kya dil

laga do aag uzr-e-maslahat ko

ki hai be-zar is shai se mera dil

jafakari hai taslim-e-sitam bhi

na hoga taba-e-jaur-o-jafa dil

laga kar aankh is jaan-e-jahan se

na hoga ab kisi se aashna dil

miTe afkar-e-gona-gon ke jhagDe

tere gham ko na de kyunkar dua dil

na pahunchegi kabhi kya gosh-e-gul tak

qafas se uD ke fariyaad-e-ana dil

tu ana-e-sadaqat hai to hargiz

na hoga pairaw-e-baatil mera dil

baDi dargah ka sail hun 'hasrat'

baDi ummid hai meri baDa dil