qaza ne haal-e-gul jab safha-e-taqdir par likkha

qazā ne hāl-e-gul jab saf.ha-e-taqdīr par likkhā

mirī dīvāngī kā mājrā zanjīr par likkhā

za.īfī se nahīñ pairoñ ke chiiñ peshānī-o-rū par

ye ḳhatt-e-nā-umīdī hai ki rū-e-pīr par likkhā

nahīñ tujh se hameñ da.ava-e-ḳhūñ gar sham.a ne qātil

ab apne ḳhuuñ kā mahzar gardan-e-gul-gīr par likkhā

ye sab mazmūñ hai shīrīñ kohkan kī rū-sapedī kā

jahāñ tak mauj ne satroñ ko jū-e-shīr par likkhā

'baqā' ke dil meñ aa ā.īna terī qadr kyā jaane

abas hai naqsh-e-gul gar bulbul-e-tasvīr par likkhā

qaza ne haal-e-gul jab safha-e-taqdir par likkha

meri diwangi ka majra zanjir par likkha

zaifi se nahin pairon ke chin peshani-o-ru par

ye KHatt-e-na-umidi hai ki ru-e-pir par likkha

nahin tujh se hamein dawa-e-KHun gar shama ne qatil

ab apne KHun ka mahzar gardan-e-gul-gir par likkha

ye sab mazmun hai shirin kohkan ki ru-sapedi ka

jahan tak mauj ne satron ko ju-e-shir par likkha

'baqa' ke dil mein aa aaina teri qadr kya jaane

abas hai naqsh-e-gul gar bulbul-e-taswir par likkha