qissa tabahiyon ka sunaya na jaega

qissa tabāhiyoñ kā sunāyā na jā.egā

dil meñ jo ġham chhupā hai batāyā na jā.egā

aḳhlāq se hasīñ koī duniyā meñ shai nahīñ

ye vo charāġh hai jo bujhāyā na jā.egā

āzād apne aap ko samjheñge us ghaḌī

jab ḳhuun be-basoñ kā bahāyā na jā.egā

nāhaq bichhā rahā hai jahāñ sāzishoñ kā jaal

islām kā vajūd miTāyā na jā.egā

sābit qadam haiñ aaj bhī ham apne qaul par

dushman ko ham se dost banāyā na jā.egā

us ne vafā kā rañg kuchh aisā chaḌhā diyā

ab dil pe koī rañg chaḌhāyā na jā.egā

zālim kā naaz uThāte haiñ 'ḳhurshīd' sab magar

mujh se kabhī ye naaz uThāyā na jā.egā

qissa tabahiyon ka sunaya na jaega

dil mein jo gham chhupa hai bataya na jaega

aKHlaq se hasin koi duniya mein shai nahin

ye wo charagh hai jo bujhaya na jaega

aazad apne aap ko samjhenge us ghaDi

jab KHun be-bason ka bahaya na jaega

nahaq bichha raha hai jahan sazishon ka jal

islam ka wajud miTaya na jaega

sabit qadam hain aaj bhi hum apne qaul par

dushman ko hum se dost banaya na jaega

us ne wafa ka rang kuchh aisa chaDha diya

ab dil pe koi rang chaDhaya na jaega

zalim ka naz uThate hain 'KHurshid' sab magar

mujh se kabhi ye naz uThaya na jaega