qudrat ki adalat mein kanTon ki shikayat hai

qudrat kī adālat meñ kāñToñ kī shikāyat hai

har baaġh meñ phūloñ kī fitrat meñ ra.ūnat hai

samjhā do farishtoñ ko kis kī mujhe hasrat hai

huuñ jis kā tamannā.ī naam us kā mohabbat hai

is darja mohabbat hai ik duuje se donoñ ko

maiñ us kī zarūrat huuñ vo merī zarūrat hai

ye kis kī itā.at meñ dil merā dukhā baiThe

tasvīr meñ jā baiThe ye kaisī sharārat hai

vo zulf-e-pareshāñ bhī kyā ḳhuub nazar aa.ī

lahrā.e to bādal sī bal khaa.e qayāmat hai

ab maulā muhāfiz hai nau-ḳhez sī kaliyoñ kā

phūloñ kī riyāsat meñ kāñToñ kī hukūmat hai

aalam meñ javānī ke maġhrūr thā pahle to

kyuuñ chāñd ko tāroñ se ab itnī shikāyat hai

iqrār-e-vafā kar ke siina se lagāyā jo

ye un kī mohabbat hai ye un kī ināyat hai

ham hī to nahīñ tanhā sab ishq ke maare haiñ

har dil pe chaḌhī dekho ulfat kī harārat hai

tafrīh ko nikle haiñ ham shahr meñ saj-dhaj ke

un ko jo shikāyat hai itnī sī shikāyat hai

ik til ke izāfe ne barbād kiyā 'armān'

be-dām phañse āshiq ye husn kī fitrat hai

qudrat ki adalat mein kanTon ki shikayat hai

har bagh mein phulon ki fitrat mein raunat hai

samjha do farishton ko kis ki mujhe hasrat hai

hun jis ka tamannai nam us ka mohabbat hai

is darja mohabbat hai ek duje se donon ko

main us ki zarurat hun wo meri zarurat hai

ye kis ki itaat mein dil mera dukha baiThe

taswir mein ja baiThe ye kaisi shararat hai

wo zulf-e-pareshan bhi kya KHub nazar aai

lahrae to baadal si bal khae qayamat hai

ab maula muhafiz hai nau-KHez si kaliyon ka

phulon ki riyasat mein kanTon ki hukumat hai

aalam mein jawani ke maghrur tha pahle to

kyun chand ko taron se ab itni shikayat hai

iqrar-e-wafa kar ke sina se lagaya jo

ye un ki mohabbat hai ye un ki inayat hai

hum hi to nahin tanha sab ishq ke mare hain

har dil pe chaDhi dekho ulfat ki hararat hai

tafrih ko nikle hain hum shahr mein saj-dhaj ke

un ko jo shikayat hai itni si shikayat hai

ek til ke izafe ne barbaad kiya 'arman'

be-dam phanse aashiq ye husn ki fitrat hai