qurb ke na wafa ke hote hain

qurb ke nā vafā ke hote haiñ

jhagḌe saare anā ke hote haiñ

baat niyyat kī sirf hai varna

vaqt saare duā ke hote haiñ

bhuul jaate haiñ mat burā kahnā

log putle ḳhatā ke hote haiñ

vo ba-zāhir jo kuchh nahīñ lagte

un se rishte balā ke hote haiñ

vo hamārā hai is tarah shāyad

jaise bande ḳhudā ke hote haiñ

baḳhsh denā bhī Thiik hai lekin

kuchh salīqe atā ke hote haiñ

kuchh ko duniyā bikher detī hai

kuchh pareshāñ sadā ke hote haiñ

vo jo hastī meñ Duub jaate haiñ

un ke charche balā ke hote haiñ

us kī fitrat hī aisī hai 'aḳhtar'

jaise tevar havā ke hote haiñ

qurb ke na wafa ke hote hain

jhagDe sare ana ke hote hain

baat niyyat ki sirf hai warna

waqt sare dua ke hote hain

bhul jate hain mat bura kahna

log putle KHata ke hote hain

wo ba-zahir jo kuchh nahin lagte

un se rishte bala ke hote hain

wo hamara hai is tarah shayad

jaise bande KHuda ke hote hain

baKHsh dena bhi Thik hai lekin

kuchh saliqe ata ke hote hain

kuchh ko duniya bikher deti hai

kuchh pareshan sada ke hote hain

wo jo hasti mein Dub jate hain

un ke charche bala ke hote hain

us ki fitrat hi aisi hai 'aKHtar'

jaise tewar hawa ke hote hain