qurbaton ke ye silsile bhi hain
qurbatoñ ke ye silsile bhī haiñ
chashm-dar-chashm ratjage bhī haiñ
jaane vaale dinoñ ke baare meñ
aane vāloñ se pūchhte bhī haiñ
baat karne se pahle achchhī tarah
ham bahut der sochte bhī haiñ
tirī ḳhush-hāliyoñ kī qāmat ko
tere maazī se nāpte bhī haiñ
Dūbte chāñd ko darīche meñ
chashm-e-pur-nam se dekhte bhī haiñ
muskurāne ke saath yaad rahe
qaus ke rañg TūTte bhī haiñ
shaam hote hī bastiyoñ se duur
saa.e sāyoñ se bolte bhī haiñ
terī pahchān kar ga.ī rusvā
laakh bach bach ke ham chale bhī haiñ
qurbatoñ kī mahak mahak hai vahī
darmiyāñ yuuñ to fāsle bhī haiñ
apnā chehra gavāhī detā hai
ruup kī dhuup meñ jale bhī haiñ
chāñd ke saath saath rātoñ ko
us ke ghar tak 'ziyā' ga.e bhī haiñ
qurbaton ke ye silsile bhi hain
chashm-dar-chashm ratjage bhi hain
jaane wale dinon ke bare mein
aane walon se puchhte bhi hain
baat karne se pahle achchhi tarah
hum bahut der sochte bhi hain
teri KHush-haaliyon ki qamat ko
tere mazi se napte bhi hain
Dubte chand ko dariche mein
chashm-e-pur-nam se dekhte bhi hain
muskurane ke sath yaad rahe
qaus ke rang TuTte bhi hain
sham hote hi bastiyon se dur
sae sayon se bolte bhi hain
teri pahchan kar gai ruswa
lakh bach bach ke hum chale bhi hain
qurbaton ki mahak mahak hai wahi
darmiyan yun to fasle bhi hain
apna chehra gawahi deta hai
rup ki dhup mein jale bhi hain
chand ke sath sath raaton ko
us ke ghar tak 'ziya' gae bhi hain
- Book : Pakistani Adab (Pg. 583)
- Author : Dr. Rashid Amjad
- Publication : Pakistan Academy of Letters, Islambad, Pakistan (2009)
- Edition : 2009
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
