rabta TuT na jae kahin KHud-bini se

rābta TuuT na jaa.e kahīñ ḳhud-bīnī se

dil laraz uTThā hai māhaul kī sañgīnī se

hausla hai to sarāboñ meñ utar kar dekho

zinda rahnā to ibārat hai ḳhush-ā.īnī se

ab sar-e-āḳhir-e-shab laa.e ho sūraj kī ḳhabar

yuuñ tamāshā na karo sub.h kī rañgīnī se

na burūdat thī na hiddat thī ajab mausam thā

choT khāyā kiye ham apnī hī kaj-bīnī se

aañkh pathrā.ī huī aur zabāñ guñg ki jab

zarf miTTī ke bane aur badan chīnī se

dard talḳhāba-e-ehsās meñ zam ho ke rahā

qatl-gah paT ga.ī alfāz kī shīrīnī se

sāmne aa ke jo vo haath milā.e to sahī

mujh ko haul aatā hai us shaḳhs kī miskīnī se

rabta TuT na jae kahin KHud-bini se

dil laraz uTTha hai mahaul ki sangini se

hausla hai to sarabon mein utar kar dekho

zinda rahna to ibarat hai KHush-aini se

ab sar-e-aKHir-e-shab lae ho suraj ki KHabar

yun tamasha na karo subh ki rangini se

na burudat thi na hiddat thi ajab mausam tha

choT khaya kiye hum apni hi kaj-bini se

aankh pathrai hui aur zaban gung ki jab

zarf miTTi ke bane aur badan chini se

dard talKHaba-e-ehsas mein zam ho ke raha

qatl-gah paT gai alfaz ki shirini se

samne aa ke jo wo hath milae to sahi

mujh ko haul aata hai us shaKHs ki miskini se