rah-e-junun-e-shauq mein hum umr-bhar chale

rāh-e-junūn-e-shauq meñ ham 'umr-bhar chale

lekin ḳhabar nahīñ hai kidhar the kidhar chale

phir aap hoñge apnī jafāoñ ke zimma-dār

bardāsht kī hadoñ se bhī bāhar agar chale

kyā ye ḳhatā hai log tumheñ dekhne lage

baiThe biThā.e bazm se uTh kar kidhar chale

raste meñ āsmāñ se utar aa.e kahkashāñ

tum sā jo mere saath koī lamha-bhar chale

ahl-e-adab ThiThak ke jahāñ the vahīñ ruke

ahl-e-hunar ke aage jo kuchh be-hunar chale

thiiñ mushkileñ hazār mohabbat kī raah meñ

jab tere jāñ-nisār chale be-ḳhatar chale

mushkil hai kārvāñ ko mile manzil-e-talab

raste pe rāhzan ke agar rāhbar chale

'tābish' jigar tak aa.egā un kī nazar kā tiir

yā tiir kī taraf hī hamārā jigar chale

rah-e-junun-e-shauq mein hum 'umr-bhar chale

lekin KHabar nahin hai kidhar the kidhar chale

phir aap honge apni jafaon ke zimma-dar

bardasht ki hadon se bhi bahar agar chale

kya ye KHata hai log tumhein dekhne lage

baiThe biThae bazm se uTh kar kidhar chale

raste mein aasman se utar aae kahkashan

tum sa jo mere sath koi lamha-bhar chale

ahl-e-adab ThiThak ke jahan the wahin ruke

ahl-e-hunar ke aage jo kuchh be-hunar chale

thin mushkilen hazar mohabbat ki rah mein

jab tere jaan-nisar chale be-KHatar chale

mushkil hai karwan ko mile manzil-e-talab

raste pe rahzan ke agar rahbar chale

'tabish' jigar tak aaega un ki nazar ka tir

ya tir ki taraf hi hamara jigar chale