rah-e-wafa mein girte sambhalte rahe miyan

rāh-e-vafā meñ girte sambhalte rahe miyāñ

thakne ke bā-vajūd bhī chalte rahe miyāñ

ik umr tez dhuup meñ jalte rahe miyāñ

ā.īna-ḳhāne dil ke pighalte rahe miyāñ

ye shaam kā dhuñdalkā ye vahshat ye ḳhāmushī

tanhā barāmde meñ Tahalte rahe miyāñ

kuchh log manziloñ se bhī aage nikal ga.e

ik ham ki apne haath hī malte rahe miyāñ

ā.īna jab bhī dekhā hai chehra thā ik nayā

ham jaane kitne sāñchoñ meñ Dhalte rahe miyāñ

sahrā the itne sard ki yaḳh ho gayā vajūd

utre samundaroñ meñ to jalte rahe miyāñ

ḳhvāboñ kī bastiyoñ se baḌī tamkanat ke saath

pal-pal ka.ī janāze nikalte rahe miyāñ

dariyā lahū ke yaas ke ashkoñ ke aag ke

har gosha-e-zamīñ se ubalte rahe miyāñ

dhārā na rokā jā sakā tārīḳh kā kabhī

hālāt zindagī ke badalte rahe miyāñ

rah-e-wafa mein girte sambhalte rahe miyan

thakne ke ba-wajud bhi chalte rahe miyan

ek umr tez dhup mein jalte rahe miyan

aaina-KHane dil ke pighalte rahe miyan

ye sham ka dhundalka ye wahshat ye KHamushi

tanha baramde mein Tahalte rahe miyan

kuchh log manzilon se bhi aage nikal gae

ek hum ki apne hath hi malte rahe miyan

aaina jab bhi dekha hai chehra tha ek naya

hum jaane kitne sanchon mein Dhalte rahe miyan

sahra the itne sard ki yaKH ho gaya wajud

utre samundaron mein to jalte rahe miyan

KHwabon ki bastiyon se baDi tamkanat ke sath

pal-pal kai janaze nikalte rahe miyan

dariya lahu ke yas ke ashkon ke aag ke

har gosha-e-zamin se ubalte rahe miyan

dhaara na roka ja saka tariKH ka kabhi

haalat zindagi ke badalte rahe miyan