rah ke pattharon se bhaari hai

raah ke pattharoñ se bhārī hai

ham ne kyā zindagī guzārī hai

raat ulTī pahan ke sotā huuñ

hijratoñ kā azaab jaarī hai

ham to baazī lagā ke haar chuke

dosto ab tumhārī baarī hai

mujh pe phūloñ kā qarz hai maiñ ne

zindagī shāḳh se utārī hai

sochtā huuñ ki thak gayā huuñ maiñ

terī jānib safar bhī jaarī hai

ye jo ham tum ko bhuul jaate haiñ

ik ta.alluq kī ustuvārī hai

ab zamāna badal gayā hai 'qais'

ab mohabbat bhī iḳhtiyārī hai

rah ke pattharon se bhaari hai

hum ne kya zindagi guzari hai

raat ulTi pahan ke sota hun

hijraton ka azab jari hai

hum to bazi laga ke haar chuke

dosto ab tumhaari bari hai

mujh pe phulon ka qarz hai main ne

zindagi shaKH se utari hai

sochta hun ki thak gaya hun main

teri jaanib safar bhi jari hai

ye jo hum tum ko bhul jate hain

ek talluq ki ustuwari hai

ab zamana badal gaya hai 'qais'

ab mohabbat bhi iKHtiyari hai