rahaton ke dhoke mein iztirab DhunDe hain

rāhatoñ ke dhoke meñ iztirāb DhūñDe haiñ

ham ne apnī ḳhātir hī ḳhud azaab DhūñDe haiñ

ye to us kī aadat hai roz gul masaltā hai

aaj bhī masalne ko kuchh gulāb DhūñDe haiñ

raat āñdhī aane par uḌ ga.e the ḳheme sab

ġhāfiloñ ne mushkil se kuchh tanāb DhūñDe haiñ

terī hukmarānī bhī ḳhatm hone vaalī hai

ham ne kuchh kitāboñ meñ inqalāb DhūñDe haiñ

mere kuchh savāloñ ke tum ne ek muddat meñ

mas.aloñ se haT kar hī kyuuñ javāb DhūñDe haiñ

kaale kārnāme aur kaalā muñh chhupāne ko

kuchh safed-poshoñ ne kuchh naqāb DhūñDe haiñ

dekhiye 'zamīr' ham bhī haiñ ajab hī dīvāne

chhoḌ kar haqīqat ko ham javāb DhūñDe haiñ

rahaton ke dhoke mein iztirab DhunDe hain

hum ne apni KHatir hi KHud azab DhunDe hain

ye to us ki aadat hai roz gul masalta hai

aaj bhi masalne ko kuchh gulab DhunDe hain

raat aandhi aane par uD gae the KHeme sab

ghafilon ne mushkil se kuchh tanab DhunDe hain

teri hukmarani bhi KHatm hone wali hai

hum ne kuchh kitabon mein inqalab DhunDe hain

mere kuchh sawalon ke tum ne ek muddat mein

masalon se haT kar hi kyun jawab DhunDe hain

kale karname aur kala munh chhupane ko

kuchh safed-poshon ne kuchh naqab DhunDe hain

dekhiye 'zamir' hum bhi hain ajab hi diwane

chhoD kar haqiqat ko hum jawab DhunDe hain