ras aai usko meri wafa kam bahut hi kam

raas aa.ī us ko merī vafā kam bahut hī kam

is vāste hai us se gila kam bahut hī kam

dil kī ibāratoñ ko ziyāda nahīñ paḌhā

ham se ye kār-e-nek huā kam bahut hī kam

vo peḌ jis ke saa.e kī mujh ko talāsh thī

saaya milā to us kā milā kam bahut hī kam

tārīkī-e-hayāt se laḌne chalā hai vo

le kar charāġh dil meñ ziyā kam bahut hī kam

is daur kī fazāoñ meñ gard-o-ġhubār ne

chhoḌī hai ā.inoñ pe jilā kam bahut hī kam

hotī thī jis kī diid se taskīn-e-dil mujhe

vo shaḳhs ās-pās rahā kam bahut hī kam

aksar 'nasīm' jis ke muqābil gayā huuñ maiñ

qad merā us ke qad se lagā kam bahut hī kam

ras aai us ko meri wafa kam bahut hi kam

is waste hai us se gila kam bahut hi kam

dil ki ibaraton ko ziyaada nahin paDha

hum se ye kar-e-nek hua kam bahut hi kam

wo peD jis ke sae ki mujh ko talash thi

saya mila to us ka mila kam bahut hi kam

tariki-e-hayat se laDne chala hai wo

le kar charagh dil mein ziya kam bahut hi kam

is daur ki fazaon mein gard-o-ghubar ne

chhoDi hai aainon pe jila kam bahut hi kam

hoti thi jis ki did se taskin-e-dil mujhe

wo shaKHs aas-pas raha kam bahut hi kam

aksar 'nasim' jis ke muqabil gaya hun main

qad mera us ke qad se laga kam bahut hi kam