ras jab zindagi nahin aati

Jigar Barelvi

ras jab zindagi nahin aati

Jigar Barelvi

MORE BYJigar Barelvi

    raas jab zindagī nahīñ aatī

    to 'jigar' maut bhī nahīñ aatī

    choT khātā nahīñ hai dil jab tak

    ravish-e-zindagī nahīñ aatī

    saath detī nahīñ agar taqdīr

    raas tadbīr bhī nahīñ aatī

    dil ko jab tak lage na koī baat

    rañg par zindagī nahīñ aatī

    hasrat-o-yās-o-ġham sabhī dil meñ

    aate haiñ ik ḳhushī nahīñ aatī

    hijr hai maut aur hijr baġhair

    ishq meñ zindagī nahīñ aatī

    samjheñ kyūñkar 'jigar' haal achchhā

    ruḳh pe jab tāzgī nahīñ aatī

    ras jab zindagi nahin aati

    to 'jigar' maut bhi nahin aati

    choT khata nahin hai dil jab tak

    rawish-e-zindagi nahin aati

    sath deti nahin agar taqdir

    ras tadbir bhi nahin aati

    dil ko jab tak lage na koi baat

    rang par zindagi nahin aati

    hasrat-o-yas-o-gham sabhi dil mein

    aate hain ek KHushi nahin aati

    hijr hai maut aur hijr baghair

    ishq mein zindagi nahin aati

    samjhen kyunkar 'jigar' ka haal achchha

    ruKH pe jab tazgi nahin aati

    Source :
    • Book : Partav-e-ilhaam (Pg. 225)
    • Author : Jigar Barelvi
    • Publication : Publisher Nizami Book Agency, Budaun (2012)
    • Edition : 2012
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY