raston mein Dher ho kar phul se paikar gire

Jafar Shirazi

raston mein Dher ho kar phul se paikar gire

Jafar Shirazi

MORE BYJafar Shirazi

    rāstoñ meñ Dher ho kar phuul se paikar gire

    barg kitne āñdhiyoñ ke paañv meñ aa kar gire

    ai junūñ sā.ato aamad bahāroñ huī

    dekhnā vo shāḳhchoñ se titliyoñ ke par gire

    tum na sun paa.e sadā dil TūTne aur yahāñ

    shor vo uTThā zamīñ par jis tarah ambar gire

    kaun jaane kitnī yādoñ se huā dil zaḳhm zaḳhm

    chāñdnī barsī ki merī ruuh par ḳhanjar gire

    muntazir huuñ ġham ke is tūfān-e-abr-o-bād meñ

    kab ghaTā shor kam ho kab havā thak kar gire

    yuuñ huā huuñ jazb 'ja.afar' vaqt ke tūfān meñ

    tah maiñ gahre pāniyoñ jis tarah kañkar gire

    raston mein Dher ho kar phul se paikar gire

    barg kitne aandhiyon ke panw mein aa kar gire

    ai junun ki saato aamad bahaaron ki hui

    dekhna wo shaKHchon se titliyon ke par gire

    tum na sun pae sada dil TuTne ki aur yahan

    shor wo uTTha zamin par jis tarah ambar gire

    kaun jaane kitni yaadon se hua dil zaKHm zaKHm

    chandni barsi ki meri ruh par KHanjar gire

    muntazir hun gham ke is tufan-e-abr-o-baad mein

    kab ghaTa ka shor kam ho kab hawa thak kar gire

    yun hua hun jazb 'jafar' waqt ke tufan mein

    tah main gahre paniyon ki jis tarah kankar gire

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY