raat be-KHwabiyon ka safar tere bin

Khwaja Sajid

raat be-KHwabiyon ka safar tere bin

Khwaja Sajid

MORE BYKhwaja Sajid

    raat be-ḳhvābiyoñ safar tere bin

    din hai bechainiyoñ nagar tere bin

    qurbateñ fāsloñ meñ badaltī rahīñ

    bad-gumānī har ik moḌ par tere bin

    chāñdnī meñ sahar, husn, ThanDak na nuur

    aib thā us har ik hunar tere bin

    ḳhvāb ḳhāna-ba-doshoñ se phirte rahe

    niiñd bhī ho ga.ī dar-ba-dar tere bin

    mere bāloñ meñ chāñdī pirote rahe

    tez-raftār shām-o-sahar tere bin

    phir tire lauTne ḳhabar aa.ī thī

    ham nahīñ the kabhī be-ḳhabar tere bin

    āñkheñ jaltī haiñ merī diyoñ jagah

    shaam se ghar dahlīz par tere bin

    ab na sāvan, na jhūle, na sakhiyāñ, na giit

    jaise ḳhāmosh saarā nagar tere bin

    chāñdnī DhūñDhtī thī tire naqsh-e-pā

    raat, tāroñ dahlīz par tere bin

    raat be-KHwabiyon ka safar tere bin

    din hai bechainiyon ka nagar tere bin

    qurbaten faslon mein badalti rahin

    bad-gumani har ek moD par tere bin

    chandni mein sahar, husn, ThanDak na nur

    aib tha us ka har ek hunar tere bin

    KHwab KHana-ba-doshon se phirte rahe

    nind bhi ho gai dar-ba-dar tere bin

    mere baalon mein chandi pirote rahe

    tez-raftar sham-o-sahar tere bin

    phir tere lauTne ki KHabar aai thi

    hum nahin the kabhi be-KHabar tere bin

    aankhen jalti hain meri diyon ki jagah

    sham se ghar ki dahliz par tere bin

    ab na sawan, na jhule, na sakhiyan, na git

    jaise KHamosh sara nagar tere bin

    chandni DhunDhti thi tere naqsh-e-pa

    raat, taron ki dahliz par tere bin

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY