raat bhi nind bhi kahani bhi

Firaq Gorakhpuri

raat bhi nind bhi kahani bhi

Firaq Gorakhpuri

MORE BY Firaq Gorakhpuri

    raat bhī niiñd bhī kahānī bhī

    haa.e kyā chiiz hai javānī bhī

    ek paiġhām-e-zindagānī bhī

    āshiqī marg-e-nā-gahānī bhī

    is adā tirī javāb nahīñ

    mehrbānī bhī sargirānī bhī

    dil ko apne bhī ġham the duniyā meñ

    kuchh balā.eñ thiiñ āsmānī bhī

    mansab-e-dil ḳhushī luTānā hai

    ġham-e-pinhāñ pāsbānī bhī

    dil ko sho.aloñ se kartī hai sairāb

    zindagī aag bhī hai paanī bhī

    shād-kāmoñ ko ye nahīñ taufīq

    dil-e-ġham-ghīñ shādmānī bhī

    laakh husn-e-yaqīñ se baḌh kar hai

    un nigāhoñ bad-gumānī bhī

    tañgnā-e-dil-e-malūl meñ hai

    bahr-e-hastī be-karānī bhī

    ishq-e-nākām hai parchhā.īñ

    shādmānī bhī kāmrānī bhī

    dekh dil ke nigār-ḳhāne meñ

    zaḳhm-e-pinhāñ hai nishānī bhī

    ḳhalq kyā kyā mujhe nahīñ kahtī

    kuchh sunūñ maiñ tirī zabānī bhī

    aa.e tārīḳh-e-ishq meñ sau baar

    maut ke daur-e-darmiyānī bhī

    apnī ma.asūmiyat ke parde meñ

    ho ga.ī vo nazar siyānī bhī

    din ko sūraj-mukhī hai vo nau-gul

    raat ko hai vo rāt-rānī bhī

    dil-e-bad-nām tere baare meñ

    log kahte haiñ ik kahānī bhī

    vaz.a karte koī na.ī duniyā

    ki ye duniyā huī purānī bhī

    dil ko ādāb-e-bandagī bhī na aa.e

    kar ga.e log hukmarānī bhī

    jaur-e-kam-kam shukriya bas hai

    aap itnī mehrbānī bhī

    dil meñ ik huuk bhī uThī ai dost

    yaad aa.ī tirī javānī bhī

    sar se tak supurdagī adā

    ek andāz-e-turkamānī bhī

    paas rahnā kisī raat raat

    mehmānī bhī mezbānī bhī

    ho na aks-e-jabīn-e-nāz ki hai

    dil meñ ik nūr-e-kahkashānī bhī

    zindagī ain dīd-e-yār 'firāq'

    zindagī hijr kahānī bhī

    raat bhi nind bhi kahani bhi

    hae kya chiz hai jawani bhi

    ek paigham-e-zindagani bhi

    aashiqi marg-e-na-gahani bhi

    is ada ka teri jawab nahin

    mehrbani bhi sargirani bhi

    dil ko apne bhi gham the duniya mein

    kuchh balaen thin aasmani bhi

    mansab-e-dil KHushi luTana hai

    gham-e-pinhan ki pasbani bhi

    dil ko shoalon se karti hai sairab

    zindagi aag bhi hai pani bhi

    shad-kaamon ko ye nahin taufiq

    dil-e-gham-ghin ki shadmani bhi

    lakh husn-e-yaqin se baDh kar hai

    un nigahon ki bad-gumani bhi

    tangna-e-dil-e-malul mein hai

    bahr-e-hasti ki be-karani bhi

    ishq-e-nakaam ki hai parchhain

    shadmani bhi kaamrani bhi

    dekh dil ke nigar-KHane mein

    zaKHm-e-pinhan ki hai nishani bhi

    KHalq kya kya mujhe nahin kahti

    kuchh sunun main teri zabani bhi

    aae tariKH-e-ishq mein sau bar

    maut ke daur-e-darmiyani bhi

    apni masumiyat ke parde mein

    ho gai wo nazar siyani bhi

    din ko suraj-mukhi hai wo nau-gul

    raat ko hai wo raat-rani bhi

    dil-e-bad-nam tere bare mein

    log kahte hain ek kahani bhi

    waza karte koi nai duniya

    ki ye duniya hui purani bhi

    dil ko aadab-e-bandagi bhi na aae

    kar gae log hukmarani bhi

    jaur-e-kam-kam ka shukriya bas hai

    aap ki itni mehrbani bhi

    dil mein ek huk bhi uThi ai dost

    yaad aai teri jawani bhi

    sar se pa tak supurdagi ki ada

    ek andaz-e-turkamani bhi

    pas rahna kisi ka raat ki raat

    mehmani bhi mezbani bhi

    ho na aks-e-jabin-e-naz ki hai

    dil mein ek nur-e-kahkashani bhi

    zindagi ain did-e-yar 'firaq'

    zindagi hijr ki kahani bhi

    Videos
    This video is playing from YouTube

    Videos
    This video is playing from YouTube

    Chitra Singh

    Chitra Singh

    Source:

    • Book : Gul-e-Naghma (Pg. 91)
    • Author :  Firaq Gorakhpuri
    • Publication : Maktaba Farogh-e-urdu Matia Mahal Jama Masjid Delhi (2006)
    • Edition : 2006
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY