raat din mahbus apne zahiri paikar mein hun
raat din mahbūs apne zāhirī paikar meñ huuñ
shola-e-muztar huuñ maiñ lekin abhī patthar meñ huuñ
apnī sochoñ se nikalnā bhī mujhe dushvār hai
dekh maiñ kis be-kasī ke gumbad-e-be-dar meñ huuñ
dekhte haiñ sab magar koī mujhe paḌhtā nahīñ
guzre vaqtoñ kī ibārat huuñ ajā.ib-ghar meñ huuñ
jurm kartā hai koī aur sharm aatī hai mujhe
ye sazā kaisī hai maiñ kisī arsa-e-mahshar meñ huuñ
tujh ko itnā kuchh banāne meñ mirā bhī haath hai
merī jānib dekh maiñ bhī tere pas-manzar meñ huuñ
merā dukh ye hai maiñ apne sāthiyoñ jaisā nahīñ
maiñ bahādur huuñ magar haare hue lashkar meñ huuñ
kaun merā pūjne vaalā hai jo aage baḌhe
maiñ akelā devtā jalte hue mandar meñ huuñ
raat din mahbus apne zahiri paikar mein hun
shola-e-muztar hun main lekin abhi patthar mein hun
apni sochon se nikalna bhi mujhe dushwar hai
dekh main kis be-kasi ke gumbad-e-be-dar mein hun
dekhte hain sab magar koi mujhe paDhta nahin
guzre waqton ki ibarat hun ajaib-ghar mein hun
jurm karta hai koi aur sharm aati hai mujhe
ye saza kaisi hai main kisi arsa-e-mahshar mein hun
tujh ko itna kuchh banane mein mera bhi hath hai
meri jaanib dekh main bhi tere pas-manzar mein hun
mera dukh ye hai main apne sathiyon jaisa nahin
main bahadur hun magar haare hue lashkar mein hun
kaun mera pujne wala hai jo aage baDhe
main akela dewta jalte hue mandar mein hun
Source:
Pakistani Adab (Pg. 495)
- Author: Dr. Rashid Amjad
-
- Edition: 2009
- Publisher: Pakistan Academy of Letters, Islambad, Pakistan
- Year of Publication: 2009
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
