raat ek shahr ne taza kiye manzar apne

raat ik shahr ne taaza kiye manzar apne

niiñd āñkhoñ se uḌī khol ke shahpar apne

tum sar-e-dasht-o-chaman mujh ko kahāñ DhūñDte ho

maiñ to har rut meñ badal detā huuñ paikar apne

yahī vīrāna bachā thā to ḳhudā ne āḳhir

rakh diye dil meñ mire saat samundar apne

roz vo shaḳhs sadā de ke palaT jaatā hai

maiñ bhī rahtā huuñ bahut jism se bāhar apne

kis qadar pās-e-muravvat hai vafādāroñ ko

mere siine meñ chhupā rakkhe haiñ ḳhanjar apne

koī sultān nahīñ mere sivā merā sharīk

masnad-e-ḳhāk pe baiThā huuñ barābar apne

raat ek shahr ne taza kiye manzar apne

nind aankhon se uDi khol ke shahpar apne

tum sar-e-dasht-o-chaman mujh ko kahan DhunDte ho

main to har rut mein badal deta hun paikar apne

yahi virana bacha tha to KHuda ne aaKHir

rakh diye dil mein mere sat samundar apne

roz wo shaKHs sada de ke palaT jata hai

main bhi rahta hun bahut jism se bahar apne

kis qadar pas-e-murawwat hai wafadaron ko

mere sine mein chhupa rakkhe hain KHanjar apne

koi sultan nahin mere siwa mera sharik

masnad-e-KHak pe baiTha hun barabar apne