raat jhaTke se meri nind khuli TuT gai

raat jhaTke se mirī niiñd khulī TuuT ga.ī

kāñch kī chiiz thī Table se girī TuuT ga.ī

sho.abada-bāz ne ġhā.eb kiyā manzar se mujhe

be-gharī chhūT ga.ī aur chhaḌī TuuT ga.ī

ḳhāmushī naam kī ik shai hai mire siine meñ

tū mujhe haath lagā dekh abhī TuuT ga.ī

qahqaha dā.imī thā merā mire paas rahā

mātamī chup jo mirī naam kī thī TuuT ga.ī

saañs dīvār hai jīvan kī bahut ḳhasta mizāj

do minute Tek lage aur bhalī TuuT ga.ī

tum se is vāste mānūs nahīñ hotā maiñ

jo koī chiiz mujhe achchhī lagī TuuT ga.ī

zindagī tohfa milī jis ko nahīñ sarf kiyā

band Dabbe meñ na.ī chiiz paḌī TuuT ga.ī

ik zarā rañj nahīñ apnī halākat kā mujhe

dukh to ye hai tirī ḳhāmosh ravī TuuT ga.ī

raat jhaTke se meri nind khuli TuT gai

kanch ki chiz thi Table se giri TuT gai

shoabada-baz ne ghaeb kiya manzar se mujhe

be-ghari chhuT gai aur chhaDi TuT gai

KHamushi nam ki ek shai hai mere sine mein

tu mujhe hath laga dekh abhi TuT gai

qahqaha daimi tha mera mere pas raha

matami chup jo meri nam ki thi TuT gai

sans diwar hai jiwan ki bahut KHasta mizaj

do minute Tek lage aur bhali TuT gai

tum se is waste manus nahin hota main

jo koi chiz mujhe achchhi lagi TuT gai

zindagi tohfa mili jis ko nahin sarf kiya

band Dabbe mein nai chiz paDi TuT gai

ek zara ranj nahin apni halakat ka mujhe

dukh to ye hai teri KHamosh rawi TuT gai