raat ke dar pe ye dastak ye musalsal dastak

raat ke dar pe ye dastak ye musalsal dastak

āmad-e-sub.h-e-farozāñ kā patā detī hai

phūñk Dālegī ye ik roz qabā-e-sayyād

ātish-e-gul ko sabā aur havā detī hai

tīrgī-zādoñ se kab nuur kā sailāb thame

faisla vaqt kā tārīḳh sunā detī hai

aañch aatī hai sitāroñ se jo kuchh pichhle pahar

ḳhvāb-e-shīrīñ se nigāroñ ko jagā detī hai

kitnī nādīda bahāroñ kī tamannā-e-javāñ

dāman-e-jāñ meñ mire aag lagā detī hai

sīna-e-sañg meñ betāb hai vo kāvish-e-shauq

jo haqīqat ko bhī ḳhvāboñ kī ziyā detī hai

sham-e-mehrāb-e-vafā ban ke hayāt-e-rusvā

dil-nigārī kā mirī kuchh to silā detī hai

raat ke dar pe ye dastak ye musalsal dastak

aamad-e-subh-e-farozan ka pata deti hai

phunk Dalegi ye ek roz qaba-e-sayyaad

aatish-e-gul ko saba aur hawa deti hai

tirgi-zadon se kab nur ka sailab thame

faisla waqt ka tariKH suna deti hai

aanch aati hai sitaron se jo kuchh pichhle pahar

KHwab-e-shirin se nigaron ko jaga deti hai

kitni nadida bahaaron ki tamanna-e-jawan

daman-e-jaan mein mere aag laga deti hai

sina-e-sang mein betab hai wo kawish-e-shauq

jo haqiqat ko bhi KHwabon ki ziya deti hai

sham-e-mehrab-e-wafa ban ke hayat-e-ruswa

dil-nigari ka meri kuchh to sila deti hai