raat ki KHamoshi ka matha Thanka tha

raat kī ḳhāmoshī kā māthā Thankā thā

jaane kis ke haath kā kañgan khankā thā

jhiil ne apne siine par yuuñ Taañk liyā

jaise maiñ āvāra chāñd gagan kā thā

us kā lawn bahāroñ se ābād rahā

suukh gayā jo peḌ mire āñgan kā thā

tere qurb kī ḳhush-bū se maġhlūb huā

dil meñ jo aaseb akele-pan kā thā

dil se dar-o-dīvār kī ḳhvāhish kyuuñ na ga.ī

sahrā kā māhaul to mere man kā thā

raam use kar letā sachchā ishq mirā

lekin vo 'zīshān' pujārī dhan kā thā

raat ki KHamoshi ka matha Thanka tha

jaane kis ke hath ka kangan khanka tha

jhil ne apne sine par yun Tank liya

jaise main aawara chand gagan ka tha

us ka lawn bahaaron se aabaad raha

sukh gaya jo peD mere aangan ka tha

tere qurb ki KHush-bu se maghlub hua

dil mein jo aaseb akele-pan ka tha

dil se dar-o-diwar ki KHwahish kyun na gai

sahra ka mahaul to mere man ka tha

ram use kar leta sachcha ishq mera

lekin wo 'zishan' pujari dhan ka tha