raat kyon muKHtasar nahin hoti

raat kyoñ muḳhtasar nahīñ hotī

hijr kī kyoñ sahar nahīñ hotī

jo guzartī hai hijr meñ mujh par

kyā unheñ kuchh ḳhabar nahīñ hotī

zindagī kyoñ vabāl hai yaaro

chain se kyoñ basar nahīñ hotī

hasrateñ dil meñ haiñ bahut lekin

koī bhī bār-var nahīñ hotī

laag se jo paḌe kisī shai par

vo nazar be-asar nahīñ hotī

kab kiyā hai use nazar-andāz

us ko ye kyoñ ḳhabar nahīñ hotī

kuchh duā meñ asar na ho to na ho

badduā be-asar nahīñ hotī

ḳhāliq-e-juzv-o-kul idhar bhī dekh

kyoñ tavajjoh idhar nahīñ hotī

tum se āshufta-sar kī ai 'ḳhāvar'

baat kuchh mo'atabar nahīñ hotī

raat kyon muKHtasar nahin hoti

hijr ki kyon sahar nahin hoti

jo guzarti hai hijr mein mujh par

kya unhen kuchh KHabar nahin hoti

zindagi kyon wabaal hai yaro

chain se kyon basar nahin hoti

hasraten dil mein hain bahut lekin

koi bhi bar-war nahin hoti

lag se jo paDe kisi shai par

wo nazar be-asar nahin hoti

kab kiya hai use nazar-andaz

us ko ye kyon KHabar nahin hoti

kuchh dua mein asar na ho to na ho

baddua be-asar nahin hoti

KHaliq-e-juzw-o-kul idhar bhi dekh

kyon tawajjoh idhar nahin hoti

tum se aashufta-sar ki ai 'KHawar'

baat kuchh mo'atabar nahin hoti