raaz-e-darun se koi to parda uTha sake

rāz-e-darūñ se koī to parda uThā sake

dil se koī to dil kā ta'alluq batā sake

terī har ek baat pe jo sar jhukā sake

hai kaun merī tarh jo naḳhre uThā sake

dil meñ kisī ke koī kyoñ hotā hai jalva-gar

ai kaash is pe bhī koī pahra biThā sake

ik phuul us ke haath meñ hai is ḳhayāl se

bulbul ko mere sāmne nīchā dikhā sake

terī tabāh-kār javānī ke sāmne

dil ko kahāñ majāl ki vo taab lā sake

lākhoñ nuqūsh-e-māzī miTā.e to haiñ magar

dil se tumhārī yaad na hargiz miTā sake

raaz-e-darun se koi to parda uTha sake

dil se koi to dil ka ta'alluq bata sake

teri har ek baat pe jo sar jhuka sake

hai kaun meri tarh jo naKHre uTha sake

dil mein kisi ke koi kyon hota hai jalwa-gar

ai kash is pe bhi koi pahra biTha sake

ek phul us ke hath mein hai is KHayal se

bulbul ko mere samne nicha dikha sake

teri tabah-kar jawani ke samne

dil ko kahan majal ki wo tab la sake

lakhon nuqush-e-mazi miTae to hain magar

dil se tumhaari yaad na hargiz miTa sake