raaz-e-fitrat nihan tha nihan hai abhi

rāz-e-fitrat nihāñ thā nihāñ hai abhī

āsmāñ se pare āsmāñ hai abhī

maiñ azal se sunātā rahā huuñ magar

nā-mukammal mirī dāstāñ hai abhī

ham-safar chhoḌ kar chal diye haiñ to kyā

saath mere ye umr-e-ravāñ hai abhī

umr-bhar sū-e-manzil chalā huuñ magar

fāsla juuñ kā tuuñ darmiyāñ hai abhī

rāhatoñ ke vo din jaane kab ā.eñge

zindagī dard kī tarjumāñ hai abhī

manzil-e-āshiqī ham kahāñ pā.eñge

dil meñ ehsās-e-sūd-o-ziyāñ hai abhī

raaz-e-fitrat nihan tha nihan hai abhi

aasman se pare aasman hai abhi

main azal se sunata raha hun magar

na-mukammal meri dastan hai abhi

ham-safar chhoD kar chal diye hain to kya

sath mere ye umr-e-rawan hai abhi

umr-bhar su-e-manzil chala hun magar

fasla jun ka tun darmiyan hai abhi

rahaton ke wo din jaane kab aaenge

zindagi dard ki tarjuman hai abhi

manzil-e-ashiqi hum kahan paenge

dil mein ehsas-e-sud-o-ziyan hai abhi