raaz-e-sar-basta mohabbat ke zaban tak pahunche

Hafeez Hoshiarpuri

raaz-e-sar-basta mohabbat ke zaban tak pahunche

Hafeez Hoshiarpuri

MORE BYHafeez Hoshiarpuri

    rāz-e-sar-basta mohabbat ke zabāñ tak pahuñche

    baat baḌh kar ye ḳhudā jaane kahāñ tak pahuñche

    kyā tasarruf hai tire husn allāh allāh

    jalve āñkhoñ se utar kar dil-o-jāñ tak pahuñche

    tirī manzil pe pahuñchnā koī āsān na thā

    sarhad-e-aql se guzre to yahāñ tak pahuñche

    hairat-e-ishq mirī husn ā.īna hai

    dekhne vaale kahāñ se haiñ kahāñ tak pahuñche

    khul gayā aaj nigāheñ haiñ nigāheñ apnī

    jalve jalve nazar aa.e jahāñ tak pahuñche

    vahī is gosha-e-dāmāñ haqīqat jaane

    jo mire dīda-e-ḳhūñ-nāba-fishāñ tak pahuñche

    ibtidā meñ jinheñ ham nañg-e-vafā samjhe the

    hote hote vo gile husn-e-bayāñ tak pahuñche

    aah vo harf-e-tamannā ki na lab tak aa.e

    haa.e vo baat ki ik ik zabāñ tak pahuñche

    kis dil hai ki sune qissa-e-furqat merā

    kaun hai jo mire andoh-e-nihāñ tak pahuñche

    ḳhalish-añgez thā kyā kyā tirī mizhgāñ ḳhayāl

    TuuT kar dil meñ ye nashtar rag-e-jāñ tak pahuñche

    na pata sañg-e-nishāñ na ḳhabar rahbar

    justujū meñ tire dīvāne yahāñ tak pahuñche

    na ġhubār-e-rah-e-manzil hai na āvāz-e-jaras

    kaun mujh rahrav-e-gum-karda-e-nishāñ tak pahuñche

    saaf tauhīn hai ye dard-e-mohabbat 'hafīz'

    husn raaz ho aur merī zabāñ tak pahuñche

    raaz-e-sar-basta mohabbat ke zaban tak pahunche

    baat baDh kar ye KHuda jaane kahan tak pahunche

    kya tasarruf hai tere husn ka allah allah

    jalwe aankhon se utar kar dil-o-jaan tak pahunche

    teri manzil pe pahunchna koi aasan na tha

    sarhad-e-aql se guzre to yahan tak pahunche

    hairat-e-ishq meri husn ka aaina hai

    dekhne wale kahan se hain kahan tak pahunche

    khul gaya aaj nigahen hain nigahen apni

    jalwe hi jalwe nazar aae jahan tak pahunche

    wahi is gosha-e-daman ki haqiqat jaane

    jo mere dida-e-KHun-naba-fishan tak pahunche

    ibtida mein jinhen hum nang-e-wafa samjhe the

    hote hote wo gile husn-e-bayan tak pahunche

    aah wo harf-e-tamanna ki na lab tak aae

    hae wo baat ki ek ek ki zaban tak pahunche

    kis ka dil hai ki sune qissa-e-furqat mera

    kaun hai jo mere andoh-e-nihan tak pahunche

    KHalish-angez tha kya kya teri mizhgan ka KHayal

    TuT kar dil mein ye nashtar rag-e-jaan tak pahunche

    na pata sang-e-nishan ka na KHabar rahbar ki

    justuju mein tere diwane yahan tak pahunche

    na ghubar-e-rah-e-manzil hai na aawaz-e-jaras

    kaun mujh rahraw-e-gum-karda-e-nishan tak pahunche

    saf tauhin hai ye dard-e-mohabbat ki 'hafiz'

    husn ka raaz ho aur meri zaban tak pahunche

    Source :
    • Book : Nuquush Lahore (Pg. 203)
    • Author : Mohd Tufail
    • Publication : Idara Farog-e-urdu, Lahore (Feb.1956)
    • Edition : Feb.1956

    Tagged Under :

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY