raaz ye mujh pe aashkara hai
raaz ye mujh pe āshkārā hai
ishq shabnam nahīñ sharārā hai
ik nigāh-e-karam phir us ke ba.ad
umr bhar kā sitam gavārā hai
raqs meñ haiñ jo sāġhar-o-mīnā
kis kī nazroñ kā ye ishārā hai
aisī manzil pe aa gayā huuñ jahāñ
tire ġham kā hī ik sahārā hai
lauT aa.e haiñ yaar ke dar se
vaqt ne jab hameñ pukārā hai
dil na TuuTe to zarra-e-nāchīz
kīmiyā hai jo paarā paarā hai
jām-e-rañgīñ meñ un kā aks-e-jamāl
yā shafaq meñ koī sitārā hai
naav TukḌe huī hai tūfāñ se
ab to murshid kā hī sahārā hai
ishq karnā hai maat khā jaanā
us meñ jiitā huā bhī haarā hai
apne darshan pe ik nigāh-e-karam
vo ġham-e-zindagī kā maarā hai
raaz ye mujh pe aashkara hai
ishq shabnam nahin sharara hai
ek nigah-e-karam phir us ke baad
umr bhar ka sitam gawara hai
raqs mein hain jo saghar-o-mina
kis ki nazron ka ye ishaara hai
aisi manzil pe aa gaya hun jahan
tere gham ka hi ek sahaara hai
lauT aae hain yar ke dar se
waqt ne jab hamein pukara hai
dil na TuTe to zarra-e-nachiz
kimiya hai jo para para hai
jam-e-rangin mein un ka aks-e-jamal
ya shafaq mein koi sitara hai
naw TukDe hui hai tufan se
ab to murshid ka hi sahaara hai
ishq karna hai mat kha jaana
us mein jita hua bhi haara hai
apne darshan pe ek nigah-e-karam
wo gham-e-zindagi ka mara hai
Source:
Mata-e-Noor (Pg. 173)
- Author: Darshan Singh
-
- Edition: 1988
- Publisher: Sawan Kirpal Publications, Delhi
- Year of Publication: 1988
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
