rafta rafta aankhon ko hairani de kar jaega
rafta rafta āñkhoñ ko hairānī de kar jā.egā
ḳhvāboñ kā ye shauq hameñ vīrānī de kar jā.egā
dekh ke sar par gahrā bādal ḳhushk nigāheñ kahtī haiñ
aaj hameñ ye abr yaqīnan paanī de kar jā.egā
kuchh Thahrāv to be-shak us se mere ghar meñ aayā hai
lekin ik din mujh ko vo tuġhyānī de kar jā.egā
aa.egā to ik do pal mehmān rahegā āñkhoñ meñ
jā.egā to ik qissa tūlānī de kar jā.egā
kāġhaz ke ye phuul bhī apne chehroñ ko faq pā.eñge
ab ke mausam in ko bhī hairānī de kar jā.egā
ḳhush-manzar pe aañkh jamā.e baiThe haiñ ki lagtā hai
rañg koī be-rañg nazar ko dhānī de kar jā.egā
rafta rafta aankhon ko hairani de kar jaega
KHwabon ka ye shauq hamein virani de kar jaega
dekh ke sar par gahra baadal KHushk nigahen kahti hain
aaj hamein ye abr yaqinan pani de kar jaega
kuchh Thahraw to be-shak us se mere ghar mein aaya hai
lekin ek din mujh ko wo tughyani de kar jaega
aaega to ek do pal mehman rahega aankhon mein
jaega to ek qissa tulani de kar jaega
kaghaz ke ye phul bhi apne chehron ko faq paenge
ab ke mausam in ko bhi hairani de kar jaega
KHush-manzar pe aankh jamae baiThe hain ki lagta hai
rang koi be-rang nazar ko dhani de kar jaega
Source:
Aank Mein Luknat (Pg. 102)
- Author: Ghazanfar
-
- Edition: 2015
- Publisher: Maktaba Jamia Ltd.
- Year of Publication: 2015
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
