raftagan ki sada nahin main hun
raftagāñ kī sadā nahīñ maiñ huuñ
ye tirā vāhima nahīñ maiñ huuñ
tere maazī ke saath dafn kahīñ
merā ik vāqi.a nahīñ maiñ huuñ
kyā milā intihā-pasandī se
kyā maiñ tere sivā nahīñ maiñ huuñ
ek muddat meñ jā ke mujh pe khulā
chāñd hasrat-zada nahīñ maiñ huuñ
us ne mujh ko muhāl jaan liyā
maiñ ye kahtā rahā nahīñ maiñ huuñ
maiñ hī ujlat meñ aa gayā thā idhar
ye zamāna nayā nahīñ maiñ huuñ
merī vahshat se Dar ga.e shāyad
yaar bād-e-fanā nahīñ maiñ huuñ
maiñ tire saath rah gayā huuñ kahīñ
vaqt Thahrā huā nahīñ maiñ huuñ
gaahe gaahe suḳhan zarūrī hai
sāmne ā.īna nahīñ maiñ huuñ
sarsarī kyuuñ guzartā hai mujhe
ye mirā mājrā nahīñ maiñ huuñ
us ne pūchhā kahāñ gayā vo shaḳhs
kyā batātā ki thā nahīñ maiñ huuñ
ye kise dekhtā hai mujh se udhar
tere aage ḳhalā nahīñ maiñ huuñ
raftagan ki sada nahin main hun
ye tera wahima nahin main hun
tere mazi ke sath dafn kahin
mera ek waqia nahin main hun
kya mila intiha-pasandi se
kya main tere siwa nahin main hun
ek muddat mein ja ke mujh pe khula
chand hasrat-zada nahin main hun
us ne mujh ko muhaal jaan liya
main ye kahta raha nahin main hun
main hi ujlat mein aa gaya tha idhar
ye zamana naya nahin main hun
meri wahshat se Dar gae shayad
yar baad-e-fana nahin main hun
main tere sath rah gaya hun kahin
waqt Thahra hua nahin main hun
gahe gahe suKHan zaruri hai
samne aaina nahin main hun
sarsari kyun guzarta hai mujhe
ye mera majra nahin main hun
us ne puchha kahan gaya wo shaKHs
kya batata ki tha nahin main hun
ye kise dekhta hai mujh se udhar
tere aage KHala nahin main hun
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
