rag-o-pai mein utar gaya suraj

rag-o-pai meñ utar gayā sūraj

jism ko dhuup kar gayā sūraj

duur hī se chamak rahe haiñ badan

saare kapḌe kutar gayā sūraj

ek lamha kī ho ga.ī ġhaflat

mujh ko patthar sā kar gayā sūraj

mujh ko ḳhvāboñ meñ bāñdh kar rakkhā

aur hañs kar guzar gayā sūraj

pāniyoñ meñ chitāeñ jalne lagīñ

naddiyoñ meñ utar gayā sūraj

maiñ ne sāyoñ kī bhiik māñgī thī

merī chhat par utar gayā sūraj

shaam ke ek narm patthar se

reza reza bikhar gayā sūraj

dhuup kyā saa.e se bhī jalne lage

itnā kamzor kar gayā sūraj

sāzisheñ aisī kiiñ charāġhoñ ne

vaqt se pahle mar gayā sūraj

rag-o-pai mein utar gaya suraj

jism ko dhup kar gaya suraj

dur hi se chamak rahe hain badan

sare kapDe kutar gaya suraj

ek lamha ki ho gai ghaflat

mujh ko patthar sa kar gaya suraj

mujh ko KHwabon mein bandh kar rakkha

aur hans kar guzar gaya suraj

paniyon mein chitaen jalne lagin

naddiyon mein utar gaya suraj

main ne sayon ki bhik mangi thi

meri chhat par utar gaya suraj

sham ke ek narm patthar se

reza reza bikhar gaya suraj

dhup kya sae se bhi jalne lage

itna kamzor kar gaya suraj

sazishen aisi kin charaghon ne

waqt se pahle mar gaya suraj