rah-e-firaq kisi taur muKHtasar kije

rah-e-firāq kisī taur muḳhtasar kiije

jo ho sake to kabhī ḳhvāb se guzar kiije

hamāre dil meñ bhī manzar ajiib sair kā hai

na aa sakeñ to bulandī se hī nazar kiije

yahāñ pe chāroñ taraf hai surāġh rastoñ kā

par iḳhtiyār koī raah dekh kar kiije

ye shahr-o-koh-o-bayābān-o-dasht-o-dariyā the

ab aage ḳhvāb hai ruk jā.iye basar kiije

bane the ḳhaak se ham ko qayām karnā thā

havā haiñ aap uḌā kījiye safar kiije

ham apne ahd-e-tamannā pe ab bhī qaa.em haiñ

zarā sharīk-e-tamannā ko bhī ḳhabar kiije

rah-e-firaq kisi taur muKHtasar kije

jo ho sake to kabhi KHwab se guzar kije

hamare dil mein bhi manzar ajib sair ka hai

na aa saken to bulandi se hi nazar kije

yahan pe chaaron taraf hai suragh raston ka

par iKHtiyar koi rah dekh kar kije

ye shahr-o-koh-o-bayaban-o-dasht-o-dariya the

ab aage KHwab hai ruk jaiye basar kije

bane the KHak se hum ko qayam karna tha

hawa hain aap uDa kijiye safar kije

hum apne ahd-e-tamanna pe ab bhi qaem hain

zara sharik-e-tamanna ko bhi KHabar kije