rah-e-hayat ko aasan bana sako to chalo

rah-e-hayāt ko āsāñ banā sako to chalo

hamārā saath agar tum nibhā sako to chalo

nigāh-e-nāz kā jaadū jagā sako to chalo

qadam qadam pe na.e gul khilā sako to chalo

rah-e-vafā meñ ġhamoñ ke bahut añdhere haiñ

har ek haal meñ tum muskurā sako to chalo

mire ḳhayāl kī duniyā hai mujh pe chhā.ī huī

mire ḳhayāl kī duniyā pe chhā sako to chalo

baḌe ḳhulūs se chehre fareb dete haiñ

nigāh ban ke diloñ meñ samā sako to chalo

sajā ke raat ke māthe pe chāñd kā jhūmar

mujhe añdhere meñ rasta dikhā sako to chalo

na.ī hai raah to 'qaisar' na.ī nigāh bhī ho

na.ī hayāt ke naġhme sunā sako to chalo

rah-e-hayat ko aasan bana sako to chalo

hamara sath agar tum nibha sako to chalo

nigah-e-naz ka jadu jaga sako to chalo

qadam qadam pe nae gul khila sako to chalo

rah-e-wafa mein ghamon ke bahut andhere hain

har ek haal mein tum muskura sako to chalo

mere KHayal ki duniya hai mujh pe chhai hui

mere KHayal ki duniya pe chha sako to chalo

baDe KHulus se chehre fareb dete hain

nigah ban ke dilon mein sama sako to chalo

saja ke raat ke mathe pe chand ka jhumar

mujhe andhere mein rasta dikha sako to chalo

nai hai rah to 'qaisar' nai nigah bhi ho

nai hayat ke naghme suna sako to chalo