rah-e-ishq-o-wafa hai aur main hun
rah-e-ishq-o-vafā hai aur maiñ huuñ
ye terā naqsh-e-pā hai aur maiñ huuñ
nigāhoñ meñ hai zanjīr-e-mohabbat
tirī zulf-e-dotā hai aur maiñ huuñ
shab-e-āḳhir fazā-e-dil meñ phailī
ḳhamoshī kī ridā hai aur maiñ huuñ
yahī hai muḳhtasar sī apnī duniyā
ye merā aa.ina hai aur maiñ huuñ
vahī hai hijr kī rut kī udāsī
vahī qātil havā hai aur maiñ huuñ
nazar meñ hai koī ḳhūñ-rez manzar
koī zaḳhmī sadā hai aur maiñ huuñ
ḳhudā hī jaane hone vaalā kyā hai
tirī qātil adā hai aur maiñ huuñ
mujhe kyā lenā denā hai jahāñ se
ḳhayāl-e-dil-rubā hai aur maiñ huuñ
vahī hai bādiya-paimā.ī apnī
vahī āb-o-havā hai aur maiñ huuñ
rah-e-ishq-o-wafa hai aur main hun
ye tera naqsh-e-pa hai aur main hun
nigahon mein hai zanjir-e-mohabbat
teri zulf-e-dota hai aur main hun
shab-e-aKHir faza-e-dil mein phaili
KHamoshi ki rida hai aur main hun
yahi hai muKHtasar si apni duniya
ye mera aaina hai aur main hun
wahi hai hijr ki rut ki udasi
wahi qatil hawa hai aur main hun
nazar mein hai koi KHun-rez manzar
koi zaKHmi sada hai aur main hun
KHuda hi jaane hone wala kya hai
teri qatil ada hai aur main hun
mujhe kya lena dena hai jahan se
KHayal-e-dil-ruba hai aur main hun
wahi hai baadiya-paimai apni
wahi aab-o-hawa hai aur main hun
Source:
Mauj-e-sarab (Pg. 73)
- Author: Minu Bakhshi
-
- Edition: 2013
- Publisher: Arshia Publications
- Year of Publication: 2013
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
