rah-e-wafa mein hamein jitne ham-KHayal mile

rah-e-vafā meñ hameñ jitne ham-ḳhayāl mile

un hī kī āñkhoñ meñ ham ko ka.ī savāl mile

vo log jin kī hameñ fikr rahtī hai har dam

vo jab kabhī bhī mile ham se hasb-e-hāl mile

kisī gharāne kisī zaat se nahīñ matlab

ye ham bhī jānte haiñ dil mile ḳhayāl mile

maiñ kis tarah se pareshān-hāl unheñ samjhūñ

vo apne husn-e-amal se to mālā-māl mile

bahut se log mile ham ko apnī duniyā meñ

koī na samjhā bahut yuuñ to ham-ḳhayāl mile

'kiran' vo pichhle dinoñ kī to baat aur hī thī

agarche milne ko yuuñ kitne māh-o-sāl mile

rah-e-wafa mein hamein jitne ham-KHayal mile

un hi ki aankhon mein hum ko kai sawal mile

wo log jin ki hamein fikr rahti hai har dam

wo jab kabhi bhi mile hum se hasb-e-haal mile

kisi gharane kisi zat se nahin matlab

ye hum bhi jaante hain dil mile KHayal mile

main kis tarah se pareshan-haal unhen samjhun

wo apne husn-e-amal se to mala-mal mile

bahut se log mile hum ko apni duniya mein

koi na samjha bahut yun to ham-KHayal mile

'kiran' wo pichhle dinon ki to baat aur hi thi

agarche milne ko yun kitne mah-o-sal mile