rah-e-wafa mein zamane se Dar gaya tu bhi

rah-e-vafā meñ zamāne se Dar gayā tū bhī

guzarte vaqt kī sūrat guzar gayā tū bhī

ye kyā huā ki chalā thā sañvārne mujh ko

ġhubār-e-rāh kī sūrat bikhar gayā tū bhī

kahāñ gayā vo tirā dāvā-e-masīhā.ī

mire vajūd ko zaḳhmoñ se bhar gayā tū bhī

visāl kā vahī lamha to jāvedāñ thā 'sarosh'

ki aap meñ na rahā maiñ bikhar gayā tū bhī

rah-e-wafa mein zamane se Dar gaya tu bhi

guzarte waqt ki surat guzar gaya tu bhi

ye kya hua ki chala tha sanwarne mujh ko

ghubar-e-rah ki surat bikhar gaya tu bhi

kahan gaya wo tera dawa-e-masihai

mere wajud ko zaKHmon se bhar gaya tu bhi

visal ka wahi lamha to jawedan tha 'sarosh'

ki aap mein na raha main bikhar gaya tu bhi