aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

rah gai luT kar bahaar-e-zindagi

Gopal Krishn Shafaq

rah gai luT kar bahaar-e-zindagi

Gopal Krishn Shafaq

MORE BYGopal Krishn Shafaq

    rah ga.ī luT kar bahār-e-zindagī

    zindagī hai sogvār-e-zindagī

    merī nazroñ meñ hasīñ dhokā hai ik

    jis ko kahte haiñ bahār-e-zindagī

    kulfateñ kuchh talḳhiyāñ kuchh hādse

    ab yahī hai yādgār-e-zindagī

    miT rahā ho jo kisī ke ishq meñ

    phir kahāñ us ko qarār-e-zindagī

    tirī ulfat terā ġham terā ḳhayāl

    kuchh yahī hai kārobār-e-zindagī

    apnā dil jab parāyā ho gayā

    kaun ho ab rāz-dār-e-zindagī

    tere dam se thī bahāroñ meñ bahār

    ab kahāñ hai vo bahār-e-zindagī

    sūkhe pattoñ se ye kahtī hai ḳhizāñ

    yuuñ utartā hai ḳhumār-e-zindagī

    apne dāman se havā dete raho

    bujh na jaa.e ye sharār-e-zindagī

    ai 'shafaq' kis ne bigāḌā hai ise

    kaun hai parvardigār-e-zindagī

    rah gai luT kar bahaar-e-zindagi

    zindagi hai sogwar-e-zindagi

    meri nazron mein hasin dhoka hai ek

    jis ko kahte hain bahaar-e-zindagi

    kulfaten kuchh talKHiyan kuchh hadse

    ab yahi hai yaadgar-e-zindagi

    miT raha ho jo kisi ke ishq mein

    phir kahan us ko qarar-e-zindagi

    teri ulfat tera gham tera KHayal

    kuchh yahi hai karobar-e-zindagi

    apna dil hi jab paraya ho gaya

    kaun ho ab raaz-dar-e-zindagi

    tere dam se thi bahaaron mein bahaar

    ab kahan hai wo bahaar-e-zindagi

    sukhe patton se ye kahti hai KHizan

    yun utarta hai KHumar-e-zindagi

    apne daman se hawa dete raho

    bujh na jae ye sharar-e-zindagi

    ai 'shafaq' kis ne bigaDa hai ise

    kaun hai parwardigar-e-zindagi

    Source:

    Mauj-e-shafaq (Pg. 18)

    • Author: Dr. Gopal Krishn Shafaq
      • Edition: 1995
      • Publisher: Dr. Gopal Krishn Shafaq
      • Year of Publication: 1995

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now