rah kar zamin pe chand ke didar ke liye

rah kar zamīñ pe chāñd ke dīdār ke liye

daftar meñ din guzarte haiñ itvār ke liye

itnā to mas.ala bhī na thā jitnā shor hai

bas bhiiḌ juT ga.ī hai ye be-kār ke liye

be-vaj.h khīñch taan meñ kashtī Dubo ga.e

jab ki sabhī ko jaanā thā us paar ke liye

bas hāl-chāl kā ye dikhāvā na kījiye

rab tak du'ā.eñ bhejiye bīmār ke liye

āñkhoñ ko rab ne is liye bīnā.ī sauñp dī

jis se ho ek ā.īna dīdār ke liye

phir yuuñ huā ki ham ko kabhī vaqt nahīñ milā

jab se ghaḌī ḳharīd lī dīvār ke liye

qisse meñ jang aa.ī to qurbān ho ga.e

pyāde laḌe the āḳhirī kirdār ke liye

rah kar zamin pe chand ke didar ke liye

daftar mein din guzarte hain itwar ke liye

itna to masala bhi na tha jitna shor hai

bas bhiD juT gai hai ye be-kar ke liye

be-wajh khinch tan mein kashti Dubo gae

jab ki sabhi ko jaana tha us par ke liye

bas haal-chaal ka ye dikhawa na kijiye

rab tak du'aen bhejiye bimar ke liye

aankhon ko rab ne is liye binai saunp di

jis se ho ek aaina didar ke liye

phir yun hua ki hum ko kabhi waqt nahin mila

jab se ghaDi KHarid li diwar ke liye

qisse mein jang aai to qurban ho gae

pyaade laDe the aaKHiri kirdar ke liye