rah ke KHamosh bhi elan bahut karta hai

rah ke ḳhāmosh bhī elaan bahut kartā hai

aa.ina chehroñ kā nuqsān bahut kartā hai

aao sahrā meñ ye dīvāne se chal kar pūchheñ

phuul kyuuñ chaak garebān bahut kartā hai

raushnī likh nahīñ saktā kisī qismat meñ charāġh

raat aatī hai to ehsān bahut kartā hai

aao ab aql kī mīzān pe toleñ us ko

vo vafādārī kā elaan bahut kartā hai

ye nayā daur jo ehsān to kartā hī nahīñ

aur sharminda-e-ehsān bahut kartā hai

suunī rah jaa.eñ jo shāḳheñ to gilā bhī na kare

vo parindoñ ko pareshān bahut kartā hai

aaj 'saulat' kī ye pahchān bahut kaafī hai

dil-o-jāñ aap pe qurbān bahut kartā hai

rah ke KHamosh bhi elan bahut karta hai

aaina chehron ka nuqsan bahut karta hai

aao sahra mein ye diwane se chal kar puchhen

phul kyun chaak gareban bahut karta hai

raushni likh nahin sakta kisi qismat mein charagh

raat aati hai to ehsan bahut karta hai

aao ab aql ki mizan pe tolen us ko

wo wafadari ka elan bahut karta hai

ye naya daur jo ehsan to karta hi nahin

aur sharminda-e-ehsan bahut karta hai

suni rah jaen jo shaKHen to gila bhi na kare

wo parindon ko pareshan bahut karta hai

aaj 'saulat' ki ye pahchan bahut kafi hai

dil-o-jaan aap pe qurban bahut karta hai