rahbar mila na hum ko koi rahnuma mila

rahbar milā na ham ko koī rahnumā milā

rahzan-sifat hī jo bhī milā ham-navā milā

har shaḳhs be-hisī hī kā ik aa.ina milā

har roz is nagar meñ nayā sāneha milā

tum bevafā hue to zamāna milā tumheñ

ham bā-vafā hue to nayā āriza milā

fashion meñ ġharq haiñ vo taraqqī ke naam par

nām-o-numūd ko bhī nayā zāviya milā

do dostoñ meñ DhūñDte haiñ aap rābta

do bhā.iyoñ meñ ham ko baḌā fāsla milā

maañ baap ne to baḳhshī thī aulād ko ḳhushī

ab kyuuñ nahīf hone pe hai hāshiya milā

us kī navāzishāt 'umar' ġhaur to karo

jis ne ḳhudā kī maan liyā rāsta milā

rahbar mila na hum ko koi rahnuma mila

rahzan-sifat hi jo bhi mila ham-nawa mila

har shaKHs be-hisi hi ka ek aaina mila

har roz is nagar mein naya saneha mila

tum bewafa hue to zamana mila tumhein

hum ba-wafa hue to naya aariza mila

fashion mein gharq hain wo taraqqi ke nam par

nam-o-numud ko bhi naya zawiya mila

do doston mein DhunDte hain aap rabta

do bhaiyon mein hum ko baDa fasla mila

man bap ne to baKHshi thi aulad ko KHushi

ab kyun nahif hone pe hai hashiya mila

us ki nawazishat 'umar' ghaur to karo

jis ne KHuda ki man liya rasta mila