rahe nau-roz ishrat-afrin josh-e-bahaar-afza
rahe nau-roz ishrat-āfrīñ josh-e-bahār-afzā
gul-afshāñ hai karam terā chaman meñ dahr ke har jā
na pūchho koī aish-o-ḳhurramī ko ahd meñ us ke
ki jis ke faiz se ghar ghar hai daur-e-sāġhar-e-sahbā
arastū-jāh vo farruḳh-nazhād-e-ahl-e-ālam hai
ki jis ke fazl-o-baḳhshish kā jahāñ meñ hai alam barpā
duā hai ye mavālī kī tasadduq se a.imma ke
rakhe saa.e meñ apne lutf ke tujh ko alī maulā
nahīñ kuchh zeb ai mehr-e-sip.har-e-ma'adalat is meñ
ayaañ 'chandā' pe jo kuchh hai navāzish ye karam-farmā
rahe nau-roz ishrat-afrin josh-e-bahaar-afza
gul-afshan hai karam tera chaman mein dahr ke har ja
na puchho koi aish-o-KHurrami ko ahd mein us ke
ki jis ke faiz se ghar ghar hai daur-e-saghar-e-sahba
arastu-jah wo farruKH-nazhad-e-ahl-e-alam hai
ki jis ke fazl-o-baKHshish ka jahan mein hai alam barpa
dua hai ye mawali ki tasadduq se aimma ke
rakhe sae mein apne lutf ke tujh ko ali maula
nahin kuchh zeb ai mehr-e-siphar-e-ma'adalat is mein
ayan 'chanda' pe jo kuchh hai nawazish ye karam-farma
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
