rahin-e-as rahi hai na mahw-e-yas rahi

rahīn-e-ās rahī hai na mahv-e-yās rahī

bichhaḌ ke tujh se mirī ziist bad-havās rahī

jo rind aayā tirī bazm meñ huā sairāb

vo tishna-kām rahā maiñ ki jis ko pyaas rahī

tirī nigāh-e-karam ne vo gul khilā.e haiñ

chaman meñ fasl-e-bahārāñ udaas udaas rahī

har ek lahza mirī dhaḌkanoñ meñ chubhtī thī

ajiib chiiz mire dil ke ās-pās rahī

mai-e-nashāt tirī sādgī ne chhalkā dī

nigāh-e-ishq ko kyā jaane kis kī pyaas rahī

rahin-e-as rahi hai na mahw-e-yas rahi

bichhaD ke tujh se meri zist bad-hawas rahi

jo rind aaya teri bazm mein hua sairab

wo tishna-kaam raha main ki jis ko pyas rahi

teri nigah-e-karam ne wo gul khilae hain

chaman mein fasl-e-bahaaran udas udas rahi

har ek lahza meri dhaDkanon mein chubhti thi

ajib chiz mere dil ke aas-pas rahi

mai-e-nashat teri sadgi ne chhalka di

nigah-e-ishq ko kya jaane kis ki pyas rahi