rahin-e-minnat-o-ehsan-e-yar main bhi hun

rahīn-e-minnat-o-ehsān-e-yār maiñ bhī huuñ

fareb-ḳhurda-e-fasl-e-bahār maiñ bhī huuñ

mujhe bhī lete chalo apne saath dīvāno

nisār-e-azmat-e-zanjīr-o-dār maiñ bhī huuñ

sunā hai rang-e-bahārāñ nikharne vaalā hai

ye dekhne ke liye be-qarār maiñ bhī huuñ

idhar bhī dekh le ai malika-e-bahār-e-ġhazal

ki terī chaah meñ ik dil-figār maiñ bhī huuñ

tire ḳhayāl ke dar par jabīn-e-dil rakh kar

zamāna biit gayā ashk-bār maiñ bhī huuñ

ruḳh-e-hayāt meñ nashtar utārne vaale

ye soch le ki tirā rāzdār maiñ bhī huuñ

jahāñ pe sirf mohabbat kā raaj hai 'aḳhtar'

usī dayār kā ek ḳhāksār maiñ bhī huuñ

rahin-e-minnat-o-ehsan-e-yar main bhi hun

fareb-KHurda-e-fasl-e-bahaar main bhi hun

mujhe bhi lete chalo apne sath diwano

nisar-e-azmat-e-zanjir-o-dar main bhi hun

suna hai rang-e-bahaaran nikharne wala hai

ye dekhne ke liye be-qarar main bhi hun

idhar bhi dekh le ai malika-e-bahaar-e-ghazal

ki teri chah mein ek dil-figar main bhi hun

tere KHayal ke dar par jabin-e-dil rakh kar

zamana bit gaya ashk-bar main bhi hun

ruKH-e-hayat mein nashtar utarne wale

ye soch le ki tera raazdar main bhi hun

jahan pe sirf mohabbat ka raj hai 'aKHtar'

usi dayar ka ek KHaksar main bhi hun