rahzan nahin harif nahin ham-safar nahin

rahzan nahīñ harīf nahīñ ham-safar nahīñ

rāh-e-talab meñ ahl-e-havas kā guzar nahīñ

ā.īn-e-bazm-e-dahr se tū be-ḳhabar nahīñ

lekin ḳhudā kā shukr ki maiñ kam-nazar nahīñ

husn-e-nigāh-o-kam-nazarī meñ ye farq hai

sab bā-hunar haiñ aur koī bā-hunar nahīñ

nashr-e-jafā-o-jaur bhī hai ik adā-e-ḳhās

husn-e-nigāh-e-lutf se maiñ be-ḳhabar nahīñ

nāzāñ haiñ apnī himmat-o-jur.at pe rāh-rau

īsār-e-rahnumā pe kisī kī nazar nahīñ

saaqī kī ek baat hai tafsīr-e-kā.enāt

tū kam-nazar nahīñ to koī kam-nazar nahīñ

apne ḳhulūs par hai mujhe 'rāz' e'timād

nashtar-zanī se ġhair kī maiñ be-ḳhabar nahīñ

rahzan nahin harif nahin ham-safar nahin

rah-e-talab mein ahl-e-hawas ka guzar nahin

aain-e-bazm-e-dahr se tu be-KHabar nahin

lekin KHuda ka shukr ki main kam-nazar nahin

husn-e-nigah-o-kam-nazari mein ye farq hai

sab ba-hunar hain aur koi ba-hunar nahin

nashr-e-jafa-o-jaur bhi hai ek ada-e-KHas

husn-e-nigah-e-lutf se main be-KHabar nahin

nazan hain apni himmat-o-jurat pe rah-rau

isar-e-rahnuma pe kisi ki nazar nahin

saqi ki ek baat hai tafsir-e-kaenat

tu kam-nazar nahin to koi kam-nazar nahin

apne KHulus par hai mujhe 'raaz' e'timad

nashtar-zani se ghair ki main be-KHabar nahin