rakh diya maine dar-e-husn pe haara hua ishq

rakh diyā maiñ ne dar-e-husn pe haarā huā ishq

aaj ke ba.ad mirī jaan tumhārā huā ishq

choT gahrī thī magar paañv nahīñ ruk paa.e

ham palaT aa.e vahīñ ham ko dobāra huā ishq

jhilmilātā hai mirī aañkh meñ aañsū ban kar

aa gayā raas mujhe dil meñ utārā huā ishq

sikka-e-vaqt badalte hī sabhī chhoḌ ga.e

zaat ke shahr meñ ik umr sahārā huā ishq

jab bhī hotī hai dar-e-ḳhvāb pe dastak koī

jaag jaatā hai tire hijr kā maarā huā ishq

merī palkoñ se Tapaktā hai lahū ban ke 'amīn'

terī galiyoñ meñ shab-o-roz guzāra huā ishq

rakh diya main ne dar-e-husn pe haara hua ishq

aaj ke baad meri jaan tumhaara hua ishq

choT gahri thi magar panw nahin ruk pae

hum palaT aae wahin hum ko dobara hua ishq

jhilmilata hai meri aankh mein aansu ban kar

aa gaya ras mujhe dil mein utara hua ishq

sikka-e-waqt badalte hi sabhi chhoD gae

zat ke shahr mein ek umr sahaara hua ishq

jab bhi hoti hai dar-e-KHwab pe dastak koi

jag jata hai tere hijr ka mara hua ishq

meri palkon se Tapakta hai lahu ban ke 'amin'

teri galiyon mein shab-o-roz guzara hua ishq