rakhna qadam yahan to zara dekh bhaal ke

rakhnā qadam yahāñ to zarā dekh bhaal ke

bād-e-urūj aate haiñ din bhī zavāl ke

kiije na aap ham se kabhī tanziya savāl

varna javāb hoñge ka.ī ik savāl ke

maiñ bhī to aadmī huuñ koī jānvar nahīñ

kyoñ dekhte ho mujh ko tum āñkheñ nikāl ke

kuchh to ḳhatā zarūr huī aaj aap se

kyūñke jabīñ pe qatre haiñ kuchh infi.āl ke

ruk jaao varna dekh lo pachhtāoge sadā

yuuñ jāoge jo aaj mirī baat Taal ke

ḳhushiyoñ ke pīchhe bhāgne vaalo suno suno

ḳhushiyāñ na mil sakeñgī sivā.e malāl ke

charche kisī kamāl ke hote haiñ ḳhud-baḳhud

qisse bayāñ na kījiye apne kamāl ke

'ḳhākī' ko be-sabab na karo mushta.il kabhī

anjām bhī bure haiñ bure ishti.āl ke

rakhna qadam yahan to zara dekh bhaal ke

baad-e-uruj aate hain din bhi zawal ke

kije na aap hum se kabhi tanziya sawal

warna jawab honge kai ek sawal ke

main bhi to aadmi hun koi jaanwar nahin

kyon dekhte ho mujh ko tum aankhen nikal ke

kuchh to KHata zarur hui aaj aap se

kyunke jabin pe qatre hain kuchh infial ke

ruk jao warna dekh lo pachhtaoge sada

yun jaoge jo aaj meri baat Tal ke

KHushiyon ke pichhe bhagne walo suno suno

KHushiyan na mil sakengi siwae malal ke

charche kisi kamal ke hote hain KHud-baKHud

qisse bayan na kijiye apne kamal ke

'KHaki' ko be-sabab na karo mushtail kabhi

anjam bhi bure hain bure ishtial ke