aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

rakhta hai yun wo zulf-e-siyah-fam dosh par

Baqaullah 'Baqa'

rakhta hai yun wo zulf-e-siyah-fam dosh par

Baqaullah 'Baqa'

MORE BYBaqaullah 'Baqa'

    rakhtā hai yuuñ vo zulf-e-siyah-fām dosh par

    sayyād jis tarah se dhare daam dosh par

    shāne talak chaḌhe bin ab aañsū ko kab hai chain

    sach hai ki hove tifl ko ārām dosh par

    ik din milā jo shaiḳh to phir mai-kashoñ ke saath

    sar par liye phiregā subū jaam dosh par

    milnā to aaj bhī na huā shab ko aur uThā

    īfā-e-va.ada ai but ḳhud-kām dosh par

    hai dil meñ ghar ko shahr se sahrā meñ le chaleñ

    uThvā ke āñsuoñ se dar-o-bām dosh par

    vo zisht-baḳht huuñ ki malā.ek ko bhī mire

    likhne pesh aave jo kuchh kaam dosh par

    nekī mirī to naam badoñ ke kareñ raqam

    zishtī likheñ badoñ mire naam dosh par

    mutrib bachoñ ne shaiḳh ko Tañgiyā liyā tamām

    vaqt-e-jā-e-ḳhil.at-e-in.ām dosh par

    Daalā na bār-e-ishq zamīñ par 'baqā' ne yaar

    sar se agar girā to liyā thaam dosh par

    rakhta hai yun wo zulf-e-siyah-fam dosh par

    sayyaad jis tarah se dhare dam dosh par

    shane talak chaDhe bin ab aansu ko kab hai chain

    sach hai ki howe tifl ko aaram dosh par

    ek din mila jo shaiKH to phir mai-kashon ke sath

    sar par liye phirega subu jam dosh par

    milna to aaj bhi na hua shab ko aur uTha

    ifa-e-wada ai but KHud-kaam dosh par

    hai dil mein ghar ko shahr se sahra mein le chalen

    uThwa ke aansuon se dar-o-baam dosh par

    wo zisht-baKHt hun ki malaek ko bhi mere

    likhne ka pesh aawe jo kuchh kaam dosh par

    neki meri to nam badon ke karen raqam

    zishti likhen badon ki mere nam dosh par

    mutrib bachon ne shaiKH ko Tangiya liya tamam

    li waqt-e-ja-e-KHilat-e-inam dosh par

    Dala na bar-e-ishq zamin par 'baqa' ne yar

    sar se agar gira to liya tham dosh par

    Source:

    Dewan-e-Baqa (Pg. B-8 E-29)

    • Author: Khwaja Ahmad Faruqi
      • Publisher: Shoba-e-Urdu, Delhi University, Delhi
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now